今年冇初四咁嘅樣，但有初五咁嘅樣
今年雖然冇初四咁嘅樣，但有初五咁嘅樣啊！
初五除咗係返工之外仲係情人節，對一眾單身狗黎講，絕對係雙重打擊。
唔想拜年嘅時候畀啲唔熟嘅親戚不斷追問：「讀書成績點啊？」「姪仔搵緊幾錢人工呢？」「幾時帶個女朋友黎畀姨媽睇吓啊？」「幾時結婚啊？」……
想要耳根清淨，遠離被煩死同閃盲嘅可能性，小編提議大家不如搵埋三五知己去兩日露營避一避。
三個新年去露營嘅理由
一、斷網唔怕中閃光彈
今時今日，想要遠離社交平台唔係易事，特別係情人節呢啲大時大節，好容易一唔小心就閃盲自己對眼。但係去咗露營，一黎本身開心同朋友玩緊，另一邊因為唔係市區，網絡都亦都唔一定收得咁好，反而多咗機會放低手機，遠離社交媒體，好好享受大自然放鬆放鬆。
二、朋友係要見架
咁多日冇見，點可以錯過同好朋友相聚嘅機會呢？但係次次都約打麻雀就太悶啦，今年試吓一齊去露營啦！喺營地大家可以一齊打牌、燒野食，一齊chill，享受開心玩樂嘅時光。有一班好朋友一齊玩，就算無聊日子都有意思。
一次性烤架(連木炭)
當然，如果你有心儀對象，仲等咩啊，梗係約埋佢一齊去玩，把握咁好嘅升溫機會啦！
三、享受假期水尾
係外國人眼中好靚嘅山景，作為本地人反而冇咩時間去欣賞，趁住新年離開日常嘅生活，去欣賞大自然嘅風景係一個好好嘅舒壓方式。無論係貝澳沙灘、西貢塔門定係昂坪都係風景絕佳嘅地方。搵個隱世美景，靜靜地享受埋最後兩日假期，然後收拾好心情迎接新一年嘅工作！
